У Гомелі адбылася сустрэча з знакамітым раварыстам Рычардам Эвансам (ФОТО)

16 красавіка у Гомелі сустраклі знакамітага вандраўніка раварыста Рычарда Эванса (Richard Evans). Брытанец аб’язжае на ровары ўвесь зямны шар.

Старт сусветнага велапрабегу адбыўся 5 красавіка ў Лондане. Велатурыст ужо праехаў каля 2 000 кіламетраў, а наперадзе яшчэ больш за 30 тысяч.

Сустракалі Рычарда актывісты «Velo — GOMEL» і аматары веласіпеднай язды на ўездзе ў горад. Ні праліўны дождж, ні град не перашкодзілі чаканню вандраўніка, а ён, у сваю чаргу, працягваў рух пад дажджом.

Падарожжа «вакол света за 5 месяцаў» было запаветнай марай Рычарда Эванса. Для дадзенага падарожжа яму быў збудаваны спецыяльны ровар, які цалкам падстроены пад яго камплекцыю і адказвае ўсім сучасным стандартам, паведамляе «Трезвый взгляд«.

Кругасветнае падарожжа для Рычарда не толькі забава, але і магчымасць прыцягнуць увагу сусветнай грамадскасці да праблем раварыстаў. Падарожнік таксама збірае сродкі для дабрачыннага фонду, які дапамагае людзям, што страцілі родных у ДТЗ або атрымалі сур’ёзныя траўмы.

Задаваліся пытанні Рычарду Эвансу самыя розныя: і пра яго прыхільнасцях да ежы, і пра роварны спорт, і аб праблемах якія хвалююць вандроўцу. Бліжэй да канца гутаркі за тымі, хто сабраўся, на адлегласці некалькіх метраў назіралі супрацоўнікі ППС.

Захапляцца роварным спортам на вялікія адлегласці Рычард стаў прыкладна дзесяць гадоў таму. Паступова дыстанцыі для велавандроўкі павялічваліся. І вось кругасветнае падарожжа. Эванс адзначыў, што ў Беларусі вельмі акуратныя кіроўцы. Заўсёды ўсё скідалі хуткасць, калі бачылі яго на ровары.

СПОРТНАВИНЫ

You must be logged in to post a comment Логин